Во прилог е рецептот за лесна и посна торта со афион. Афионот како состојка се користи во сите кујни, вклучително и нашата. За неговата важност на овие простори, зборува и фактот што афионот го има на грбот на Македонија. Широката застапеност, (особено во минатото) и нутритивните својства на истиот, правеле да е често користена состојка при подготовката на оброците, особено десертите. Традицијата е задржана до ден-денес.
Потребни состојки:
- 2 чаши шеќер
- 1 чаша масло
- 30 г афион
- 100 г ореви
- 2 чаши минерална вода
- 3 чаши брашно
- 1 пециво
Начин на подготовка:
Сите состојки ставете ги во сад и со жица за матење соединете ги.
Смесата турете ја во претходно намастен и набрашнет сад за печење. Ставете ја да се печи во загреана фурна на 250°С, 10 минути, а потоа уште 20 минути на 200°С или додека не е печена.
Извадете ја да се излади и декорирајте по желба. На пример: намачкајте ја со мармалад и наросете по желба со орев, лешник, бадем, кокос или чоколадо.
Наздравје
